ነባራዊ  ሁኔታ  

የእኖር ወረዳ በዞኑ ካሉት ወረዳዎች አንዱ ሲሆን በሰሜን ቸሀ ወረዳ፤በደቡብ ኢኖር ኤነር መገር ወረዳ፣በምስራቅ ጌታ ወረዳ እንዲሁም በምእራብ ከጊቤ ሸለቆ ጋር ይዋሳናል፡፡

የአየር ንብረቱም በተለምዶአዊ ቀጠናዎች ክፍፍል ደጋ 15% ፣ ወይናደጋ 55%፣ ቆላ 30% እንደሚሽፍን ይታሰባል፡፡ከባህር ጠለል በላይ ከ1800 እስከ 2860 ሜትር እንደሚደርስና አመታዊ የዝናብ መጠኑም ከ1200 እስከ 1350 ሚ/ሜ እና አማካይ የሙቀት መጠኑ ከ19⁰c እስከ ከ21⁰c ይደርሳል፡፡ ወረዳችን በ40 የገጠር ቀበሌዎችና በ3 የማዘጋጃ ከተማ የተከፋፈለ ሲሆን የወረዳው ቆዳ ስፋት 113467 ሄ/ር ነው ፡፡ ከዚህም ውስጥ 23,768.5ሄ/ር በአመታዊ ሰብል ፣ 66,367ሄ/ር በቋሚ ሰብል ፣ 1837ሄ/ር በግጦሽ መሬት ፣9,918.5ሄ/ር በተፈጥሮና በሰው ሰራሽ ደን ፣ 2120ሄ/ር በውሃ የተሸፈነ ሲሆን 2364ሄ/ር በሌሎች ፣5456ሄ/ር ወደፊት ሊለማና ሊታረስ በሚችል፣ 1636ሄ/ርሊታረስና ሊለማ በማይችል የተያዘ ነው ፡፡ ወረዳችን ለግብርና ልማት አመች ሲሆን በዋነኝነት የሚበቅሉት ሰብሎች ጤፍ፣ገብስ፣ሰንዴ፣ድንች፣በቆሎ፣ ገብስ ፣ባቄላ ፣አተር፣ ኑግ ፣ ተልባ ፣ቦሎቄ እና የተለያዩ አትክልቶችና ፍራፍሬዎች እንዲሁም ቡና ፣ እንሰትና ጫት ናቸው ፡፡ ከእንሰሰታ ዘርፍ አንፃር ሁሉንም የእንሰሳት አይነቶች ለማርባት ወረዳው ምቹ ሲሆን  በአጠቃላይ 638,262 የቀንድ ከብት ፣46,225 በግ ፣ 299,265 ፍየል ፣ 710,875 ዶሮ ፣ 18,950 ፈረስ ፣ 7,274 በቅሎና 19,108 አህያ በወረዳችን ውስጥ ይገኛሉ ፡፡ ከወረዳው አጠቃላይ ህዝብ ውስጥ በአምራች እድሜ ክልል ውስጥ የሚገኙ (15-64)ያለው 53% ሲሆን አምራች ባልሆነ የእድሜ ክልል የሚገኙ (ከ15 በታች እና ከ64 አመት በላይ) የሆነው 47% ነው ፡፡