ጽ/ቤት ከሚተገብራቸዉ ተግባራት ዉስጥ

የከተሞች ማስፈጸም አቅም ግንባታና መሰረተ-ልማት ዘርፍ

የመሰረተ ልማት መስፋፋት ለከተሞች ማህበራዊ ልማት እና ለኢኮኖሚያዊ እድገት ከፍተኛ ድርሻ እንዳለው የሚታመን ሲሆን በከተሞች ልማትና ኢኮኖሚያዊ እንቅስቃሴ ውስጥ ወሳኝ ሚና ያላቸው፣ የኮብልስቶን መንገድ፣ የጎርፍ መውረጃ ቦይ ግንባታ፣ ደረጃውን የጠበቀ የጠጠር መንገድ ዝርጋታ፣ የመንገድ ዳር መብራት እና የንጹህ መጠጥ ውሃ መስመር ዝርጋታ ከማቅረብ አንጻር በርካታ ስራ ተሰርቷል፡፡ በተጨማሪም የመሠረተ ልማት ጥገናና የማስተዳደር ሥራዎች እንዲሁም የከተሞችን የማስፈፀም ዓቅም ማጎልበት የሚያስችሉ ሥራዎች ተከናውኗል፡፡

ይሁን እንጂ የከተማ መሰረተ-ልማት አቅርቦታችንና አመራር ሥራዎች ከህብረተሰቡ አዳጊ የልማት ፍላጎት አንጻር ሲታይ ጉድለት ያለበት በመሰረታዊነት የጥራት፣ የፍትሀዊ ተደራሽነት እና የጥገናዎች ወቅታዊነት ጉዳይ ጎልተው የሚስተዋሉ ችግሮች መሆናቸው ታይቷል፡፡

ከተሞችን ጽዱ፣ ለኑሮና ለኢንቨስትመንት ተመራጭና ተስማሚ ማድረግ አንዱ የከተማ ዘርፍ ስራ ነው፡፡ ስለሆነም  ባለፉት ዓመታት አመራሩን፣ ፈጻሚውን፣ ባለድርሻ አካላትንና የከተሞች ነዋሪዎችን በማሳተፍ በከተማ ፅዳትና አረንጓዴ ልማት ዘርፍ የሚታዩ መልካም ጥረቶችን ወደ ላቀ ደረጃ ለማሸጋገር እንዲቻል ከመላው ህብረተሰብ ጋር በግልፅ መወያየትና ለዘላቂነቱም ንቁ ተሳትፎ እንዲኖራቸው ለማድረግ ርብርብ ሲደርግ ቆይቷል፡፡ የከተሞች ጽዳት እና አረንጋዴ ልማት ሽፋን ከከተሞች የእድገት ደረጃ እና አዳጊ ፍላጎት አንፃር ሰፊ ጉድለቶች የሚታይ በመሆኑ የቀጣይ የትኩረት መስክ ይሆናል፡፡

በከተሞች ለዜጎች ቀልጣፋና ውጤታማ ማ/ቤታዊ አገልግሎት በግልፅነትና በተጠያቂነት እንዲቀርብና በዘርፉ የሚታየውን ብልሹ አሰራር በመታገል መልካም አስተዳደር ማስፈን ይገባል፡፡ ከዚህ አንጻር በፌደራል ደረጃ የአገልግሎት አሰጣጥ ስታንዳርድ የወጣላቸውን አገልግሎቶች በከተሞች መተግበር  የተጀመረ ሲሆን ከማዘጋጃ ቤታዊ አገልግሎት አቅርቦት ረገድ የዜጎችን እርካታ ለማረጋገጥ የሚያስችል የአሰራር ሥርዓት በከተሞች እንዲዘረጋ ተደርጓል፡፡ የማዘጋጃ ቤታዊ አገልግሎት አሰጣጥ ከፍተኛ ዉስንነት ያለበት መሆኑ ተለይቷል፡፡ በመሆኑም በማዘጋጃቤታዊ አገልግሎት አሰጣጥ የነዋሪዎች የእርካታ ደረጃ በሚፈለገዉ ደረጃ ለማድረስ ከፍተኛ መረባረብ የሚጠይቅ ይሆናል፡፡

የህብረተሰቡ ተሳትፎ ፈጣን ልማት ለማምጣት፣የዴሞክራሲና የመልካም አስተዳደር ሥርዓትን ለመገንባትና ለማጠናከር የሚጫወተው ሚና ከፍተኛ ነው፡፡ ከዚህ የተነሳ ዜጎች በልማት፣ በዲሞክራሲና በመልካም አስተዳደር የሚኖራቸውን ምትክ የማይገኝለት ተሳትፎ ለማሳደግና ለማጠናከር የተለያዩ እርምጃዎችን ተወስዷል፡፡ በሴክተሩ ባለፉት ዓመታት ህብረተሰብ በአካባቢው ልማት ላይ የሚሳተፍበትና ባለቤት የሚሆንበት የልማት ተሳትፎ አደረጃጀት የመፍጠርና የማጎልበት ተግባር በመከናወኑ 21ቱን የመልካም አስተዳደር አጀንዳዎችን ተግባራዊ በማድረግ ህብረተሰቡ ለልማቱ በገንዘብ፣ በጉልበቱና በቁሣቁስ የሚያደርገው ሰፊ ድጋፍ አበረታች ሥራዎች ፡፡በአጠቃላይ ህብረተሰቡ በአካባቢው ልማት ላይ የሚያደርገው ተሳትፎ እየጨመረ የመጣ ቢሆንም ከነባራዊ ሁኔታ ጋር ሲነፃፀር አሁንም ብዙ መስራትን የሚጠይቅ ነው፡፡