መግቢያ

     የአየር ንብረትለውጥ ችግሮች የአለማችን ስጋት ከሆነ ውሎ አድሯል ፡፡ የችግሩ ስፋት አገሮች የአየር ንብረት ለውጡን ለማማቋቋም ካላቸው አቅም አኳያ ይለያያል አንጂ ሀብታም እና ድሀን አይለይም ፡፡በዚህም የተነሳ አገራት የተናጠልና የጋራ እርምጃዎችን በመውሰድ ላይ ይገኛሉ ፡፡ሀገራችንም ለአየር ንብረትለውጥ የማይበገር አረንጓዴ ኢኮኖሚ ስትራቴጂ ቀረጻ ለመተግበር በመንቀሳቀስ ላይ ትገኛለች ፡፡በዚሁ መነሻ የወረዳው መንግስት የጉዳዩን አሳቢነት በመረዳት እና በ2017ዓ/ም ለአየር ንብረት ለውጥ የማይበገር የአረንጓዴ ኢኮኖሚ ግንባታን እውን ከማድረግ አኳያ ለአከባቢ ጥበቃና ደን ልማት ዘርፍ በሰጠው ልዩ ትኩረት የወረዳው የአስፈጻሚ አካላትን ባለስልጣን እንዲቋቋም ተደርጓል፡፡ በዚሁ መሰረት ጽ/ቤቱ የተሰጠውን ተልዕኮ ለማውጣት እንዳስችለው በወረዳችን ለሚተገበረው  ለሶስተኛው የእድገት አናትራንስፎርሜሽን “”እቅድ (ዕትዕ)  የ2015 ዓ/ም/ የአከባቢ ጥበቃና ደን ልማት ሥራን በአግባቡ ለማስፈጸም ቀደም ሲል የታዩ ክፍተቶችን በመለየት በየደረጃው ህብረተሰብን ተጠቃሚ የሚያደርግ ዘላቂነት ያለው አመታዊ የተግባር ዕቅድ ማዘጋጀት አስፈላጊ ሆኗል ፡፡ በጽ/ቤቱ የወረዳችንን የደን ልማት በማስፋፋት የህዝቡን ተጠቃሚነት ማረጋገጥ ሥነ-ምህደር እንዲጠበቅ በማድርግ በሀገር ኢኮኖሚ እድገት ላይ የራሱን ድርሻ ያበረክታል ፡፡እንዲሁም በአየር ንብረት ለውጥ ምክንያት የሚደርሰውን የድርቅ አደጋ በአስተማማኝ ደረጃ ለመቋቋም የደን ሀብታችንን ተንከባክቦ የተፈጥሮ ስርአተ-ምህዳሩ ሳይዛባ ለትውልድ ለማቆየት ፣ የተራቆቱ አከባቢዎች እንዲያገግሙ ማድረግ ፣ እየተመናመኑ እና እየጠፉ ያሉትን የብዝሀ -ህይወት ሀብቶች እንዲጠበቁ ማድረግ ፣ከፍተኛ የኢኮኖሚ ጠቀሜታ ያላቸው የደን ዛፎች እንዲተከሉና የወረዳው የደን ሽፋን ማሳደግ የህልውና ጉዳይ ነው፡፡

ስለዚህ የሚጠበቀውን ፈጣንና ቀጣይት ያለውን  ኢኮኖሚ እድገት በአካባቢ ላይ ለማረጋገጥ ልዩ ትኩረት የሚሹ ተግባራትን በመለየት ከባለ ድርሻና ተባባሪ አካላት ጋር ሊኖር የሚገባውን ትስስርና ቅንጅት በማጠናከር የደን ልማት ፣የአካባቢ ጥበቃ የብዝሀ-ህይወትና ልማትና ጥበቃ አጠቃቀም ስራዎችን የ2016 በጀት አመት እቅድ ከሶስተኛው የዕትዕ መነሻነት ተዘጋጅቷል ፡፡ ወረዳው ካለፈው   አመት አፈጻጸም በመነሳት የቀጣይ የትኩረት አቅጣጫዎች የተመረጡ ግቦች ፣ዋና ዋና ተግባራትና የድርጊት መርሀ-ግብር ያካተተ የ2016 ዓ.ም የአመቱ የፊዚካል ስራዎች እቅድ እንደሚከተለው ቀርቧል፡፡