መግቢያ

      ኢንፎርሜሽን ኮምኒኬሽን ቴክኖሎጂ ለአንድ ሀገር ልማት ከፍተኛ ሚና የሚጫወት መሆኑን እሙን ነው፡፡ በተለይም በዘመኑ ግሎባላይዜሽን ሀገሮች እንዲሁም ህብረተሰቡ በአለም የተከናወነ ያለውን እንቅስቃሴ በደቂቃዎች መረጃ እንዲያገኝ ከማስቻሉም በላይ በዘመናዊ ቴክኖሎጂ  መሳሪያዎች በመታገዝ ለትምህርት፣ ለጤና፣ ለግብርና፣ ለገበያ መረጃ እና ሌሎችም የመረጃ ምንጭ አገልግሎት ይጠቀሙበታል፡፡ በሀገራችን ተጨበጭ ሁኔታ ስንመጣ መንግስት የተለያዩ የአይሲቲ ፕሮጀክቶችን ቀርጾ ዘርግቷል፡፡ ለመጥቀስ ያህል እስኩል ኔት፣ ወረዳ ኔት፣ አግሚስ፣ ኢስሚስ፣ ሄልዝኔት እና የመሳሰሉት በመዘርጋትና የሀገራችን የቴሌኮም ኢንዱስትሪ ከጊዜ ወደ ጊዜ በማሻሻል ህብረተሰቡ ግልጽ እና ፈጣን አገልግሎት እንዲሁም መልካም አስተዳደርን የሰፈነበት ስርዓት በመገንባት ላይ ይገኛል፡፡በተለይም የሀገራችን 85% የሚሸፍነው የገጠር ማህበረሰብ የዘመናዊ ቴክኖሎጂ ተጠቃሚ ሆኖ በእውቀት ላይ የተመሰረተ የግብርና ስራን እንዲያከናውንና ገበያ መር የሆኑ ምርቶችን ለማምረት ራሱንና ሀገሩን ሊጠቅም የሚቻልበት ስርዓት ተዘርግቷል፡፡ይህን ከላይ የተገለጸውን ሀሳብ መነሻ ባደረገና ይህም በደገፈ መልኩ የወረዳችን የሳይንስና ኢንፎርሜሽን ቴክኖሎጂ ጽ/ቤት የተቋቋመ ሲሆን ዋነኛ አላማው ወረዳው በሳይንስና ኢንፎርሜሽን ቴክኖሎጂ ዘርፍ የሚሰጠውን ድጋፍ ማሳደግ ነው፡፡ በመሆኑም ከተቋቋመ ጊዜ ጀምሮ በፖለቲካዊ፣ ማህበራዊና ኢኮኖሚያዊ እንቅስቃሴ ውስጥ ያለውን አስተዋጽኦ በማጎልበት ወረዳችን የፈጣን ልማትና እድገት ተጠቃሚ እንዲሆን ለማድረግ በዚህኛው አመት በተቋሙ አቅም ዌብሳይት አበልጽጎ የወረዳው ማህበረሰብ እንዲገለገልበት ክፍት ማድረግ ችለናል፡፡ በመሆኑም ጽ/ቤቱ እስከ ቀበሌ ባሉ የመንግስት ተቋማት ውስጥ የሚሰጠውን አገልግሎት በዘመናዊ ቴክኖሎጂ የተደገፈና የተደራጀ እንዲሆን አገልግሎት አሰጣጡ ዘመናዊ ፣ ቀልጣፋና ውጤታማ የሆነ እንዲሁም በየትኛውም የአለም ደረጃ ሆኖ ስለእኖር መረጃ ለፈለገ በሙሉጎግል ላይ ገብቶ እኖር ወረዳ ዌብሳይት ብሎ ቢፈልግ ስለየትኛውም ጉዳይ መሬት ነክ፣ አስተዳደር፣ ትምህርት፣ ጤና፣ግብርናና፣ ሌሎችም ጉዳዮች ወደ ወረዳው በአካል መምጣት ሳያስፈልግ በዌብሳይት ማግኘትና የትኛውም ተቋም አስመልክቶ ቅሬታ ጭምር ካለ እዛው ላይ ማስፈር የሚቻልበት ሁኔታ በዚሁ ዌብሳይት ማስቀመጣችን ቴክኖሎጂያችን ከጊዜ ወደ ጊዜ እያሳደግንና ከዘመኑ ጋር አንድ እርምጃ ወደ ፊት መጓዛችን የሚያሳይ ሲሆን ይህንን ደረጃ ለማድረስ መሪ ሚና የተጫወተው የወረዳው ሳ/ኢ/ቴ ጽ/ቤት የሶፍትዌርና ድረገጽ ልማት ስራ ሂደት የተለየ ምስጋናዬ እያቀረብኩ ከዚህ ባለፈ መረጃ ሂወት ነውና ሁሉንም የወረዳችን ተቋማቶች ተገቢውን መረጃ እንድትመግቡ እያልኩ አበቃሁ፡፡