የሚሊሻ ጽ/ቤት ስር የምልመላና ስልጠና አቅም ግንባታና ስምሪት ሎጂስቲክ የስራ ሂደቶች በአዋጅና በደንብ የተሰጣቸውን ተግባርና ተልዕኮ የሚሊሻ ሀይልን በህብረተሰብ ሙሉ ተሳትፎ በመልመል የተለያዩ አቅም ግንባታ በቀበሌ፣ወረዳ እንዲሁም በዞን ደረጃ በሚዘጋጅ መድረክ መስጠት፣ለአካባቢ ፀጥታ ጥበቃ በማሰማራት የህብረተሰቡን ደህንነት መጠበቅና በመንግስት የተቀረፁ ፖሊሲዎችንና ስትራቴጂዎችን፣ ህገ-መንግሥቱን መሠረት አድርገው የወጡ ሕጎችን፣ አዋጆችን፣ ደንቦችንና መመሪያዎችን በመፈጸምና በማስፈጸም እንዲሁም የተጠናከረ የአካባቢ ፀጥታ መረጃ የማሰባሰብ ስራና ለሚመለከተው አካል በወቅቱ ተደራሽ በማድረግ ስራ ላይ በማዋል ህብረተሰቡ የሚጠቀምባቸውን ባህላዊ የመቻቻል፣ መከባበርና አብሮነት እሴቶችን በመገንባት፣የዜጎችን ሰብአዊና ዴሞክራሲያዊ መብቶችና ፀጥታን በማስከበር ላይ ይገኛል፡፡

ከላይ በተገለጸው አሰራር መሰረት በወረዳችን የሚሊሻ ጽ/ቤት የተገልጋዬችን ፍላጐት ለማሟላት በሚያስችል መልኩ በ43ቱም ቀበሌ 984 የሚሊሻ ኃይል በጥራትና በብቃት በህብረተሰቡ ተሣትፎ በመመልመል አሰልጥኖ በማደራጀትና በማስማራት በወረዳችን ሰላምና መረጋጋት እንዲኖር ብጥብጥ ወንጀልና ስርዓተ- አልበኝነት ተወግዶ ዜጐች በህገ-መንግቱ የተረጋገጠላቸው ዲሞክራሲያዊ መብቶች እንዲጠቀሙና በሰላም ወጥተው እንዲገቡ ማድረግ የተቀመጠላቸው ተቀዳሚ ዓላማና ተግባር ሲሆን ይህንኑ ዓላማ እውን ለማድረግና ከዳር ለማድረስ የድርሻውን ሚና እየተወጣ ይገኛል፡፡ የቀበሌ የሚሊሻ ኃይሉ በወረዳው የህግ የበላይነትና ሰላምና ፀጥታን አንዲረጋገጥና የመልካም አስተዳደርና የዲሞክራሲ ስርዓት ግንባታ ተጠናክሮ አንዲቀጥል እየተጫወተ ያለው ሚና ከፍተኛ በመሆኑ ባለበት ቀበሌ ከባለድርሻ ጋር ተቀናጅቶ እንዲሰራ እየተደረገ ይገኛል፡፡